Andecha Astur presenta en Piloña una propuesta pal diseñu d’un plan d’emerxencia pa les fasteres inundables
- Categoría: Conceyu
Nel escritu presentáu na Casa Conceyu de Piloña, Andecha Astur plantega una riestra midíes pa evitar les consecuencies d’inundaciones asemeyaes a les del pasáu mes de xineru.
La propuesta complementa la rializada en Parres, y les entrugues presentaes nel Senáu español pol senaor Jon Iñarritu (EH-Bildu), en nome d’Andecha Astur pa determinar responsabilidaes, igües ya iniciatives poles inundaciones del pasáu mes de xineru.
A los efeutos de xustificación d’esta propuesta considérense los fechos que darréu se rellaten:
- Ente les inundaciones sofríes nel añu 2007 l’alcalde d’entós, Juan Roberto Pérez (PP), desixó a la CHC y a la empresa pública FEVE que tomaren le midíes necesaries pa torgar inundaciones comu les d’aquel añu, qu’afeutaron al cascu urbanu de L’Infiestu. Desixó entós el caltenimientu afayaízu de les víes y les sos cunetes, asina comu canalizar la riega La Maragata, que recueye l’agua del monte Cayón y la carretera estatal 634.
- En xunu de 2010 desbordáronse varios tramos del ríu Piloña, prevocando’l pieslle de centros educativos, inundación de cases y cais, cortes de carretera y víes férrees, al tiempu que quedó ensin llínies de FEVE haza Santander, cortaes demientres selmanes pol esbarrumbamientu d’una ponte y poles obres pa retirar barros.
Andecha Astur denuncia la campaña ocalitera d’ENCE
- Categoría: Asturies
Esta campaña dexa n’evidencia la falta de voluntá del “Principado” de respetar el Plan Forestal (agora mesmo la superficie d’ocalitales supera la prevista pal añu 2060), y el “posturéu” d’IU y Podemos, que declarándose contraries a esti monocultivu, nun fain un res onde cunten con poder políticu pa ello.
Ente la iniciativa llanzada por ENCE pa favorecer la renovación de las mases d’ocalitos de más de treinta años con una campaña qu’inclui bonificaciones nel preciu la maera y regalu de llantones, Andecha Astur denuncia qu’ello nun ye más qu’una estratexa pa continuar espardiendo esi monocultivu, una vegada que ya se superaron les cifres previstes nel Plan Forestal, rexistrándose nesti momentu la superficie prevista pal añu 2.060.
El fechu mesmu que dende’l “Principado” y los partíos de la Xunta Xeneral nun faigan cumplir el Plan Forestal, y se permita la puesta en marcha d’esti plan amuesa, per un llau, fasta qué puntu se plieguen a los porgüeyos de la papelera, y pel otru, lo valero de les declaraciones de dalgunos grupos, comu IX o Podemos, que pesia declarase públicamente contrarios al ocalitu, nun tomen midíes pa frenar estos llantíos, nin a nivel d’Asturies onde vienen d’apreba-y los presupuestos a Javier Fernández, nin a nivel de Conceyu onde nun apreben –ellí onde tienen mayoríes pa ello- les Ordenances de Conceyu precises pa torgar los ocalitales.
Leer más: Andecha Astur denuncia la campaña ocalitera d’ENCE
Entrevista a Paulu Arboleya
- Categoría: Asturies
Paulu Arboleya, acabante d'escoyer como Secretariu Xeneral d'Andecha Astur nel postrer Conceyu Nacional ye entrevistáu n' infoasturies.com , faciendo un analís de la rialidá asturiana y de la llínia política de la organización.
Asina resume'l Secretariu Xeneral d'Andecha Astur como fo'l postrer Conceyu Nacional: Foi un Conceyu ampliu ya intensu, abarcó dende les reformes estatutaries que permitirán una mayor tresparencia, si cabe, del furrulamientu d’Andecha, fasta l’alderique abiertu sobro’l programa elleutoral pasando pola redefinición de les llínies básiques del partíu y pola nuesa participación nes elleiciones nacionales, europees y de conceyu.
Pa siguir darréu desplicando los plantegamientos y propuestes d'Andecha Astur, y la participación nes prósimes elleiciones de conceyu, nacionales y europees.
Andecha Astur pide desplicaciones al Conceyu Parres poles pasaes inundaciones de xineru
- Categoría: Asturies
La propuesta trata de determinar responsabilidaes pola costruición del hospital Francisco Grande Covián en tarrenos inundables, y del desdexamientu por parte de dichu Conceyu del seguimientu de les obres interrumpíes pola Confederación Hidrográfica’l Cantábricu (CHC) en 2015
La propuesta complementa les entrugues presentaes nel Senáu español en nome d’Andecha Astur pol senaor Jon Iñarritu (EH-Bildu) pa determinar responsabilidaes, igües ya iniciatives poles inundaciones del pasáu mes de xineru.
Asina mesmo recueye que, nel intre de debatir nel Plenu Municipal la propuesta agora presentada, se reconoza a un representante d’ANDECHA ASTUR el drechu a sopelexar delantre’l Plenu, enantes de la lletura, debate y votación de la propuesta, el so paicer sobro la necesidá y procedencia de la propuesta agora presentá.
PROPUESTA PA LA DETERMINACIÓN DE RESPONSABILIDAES POLA COSTRUCIÓN DEL HOSPITAL FRANCISCO GRANDE COVIÁN EN TARRENOS INUNDABLES DEL CONCEYU PARRES
A los efeutos de xustificación d’esta propuesta considérense los fechos que darréu se rellaten:
Leer más: Andecha Astur pide desplicaciones al Conceyu Parres poles pasaes inundaciones de xineru
Andecha Astur entruga nel Senaú poles inundaciones del pasáu mes de xineru
- Categoría: Asturies
Frente la inactividá del “Principado” y de los grupos ellí representaos, Andecha Astur presenta énte’lel Senáu una riestra entrugues col oxetu determinar responsabilidades y apuntar igües.
Les entrugues, presentaes por Jon Iñarritu, senaor d’EH Bildu –organización coalligada con Andecha Astur en Los Pueblos Deciden- pretenden determinar el grau de responsabilidá del gubiernu cientral y más concretamente de la Confederación Hidrográfica del Cantábricu (CHC) dependiente del Ministeriu español pa la Transición Ecolóxica y dirixíu anguañu por Teresa Ribera Rodríguez (PSOE).
Unes inundaciones qu’arriendes de los cuantiosos daños materiales, convién recordar que causaronla muerte de 4 presones, mentes el presidente del “Principado” alcontrábase de feria en Madrid, ensin qu’ello lu fixere interrumpir les sos actividaes nin tornar a Asturies; y mentantu, el parllamentu asturianu acumula meses d’inactividá ensin llegar aconceyar.
Leer más: Andecha Astur entruga nel Senaú poles inundaciones del pasáu mes de xineru
